Nove medallas en el IWC

16 de Maio de 2013

Os viños de Bodegas Martín Códax premiados cun total de 9 medallas no International Wine Challenge.

iwc1

O International Wine Challenge, un dos concursos de viño máis importantes a nivel mundial, galardoou aos viños de Bodegas Martín Códax cun total de nove medallas.
Así recibiu tres medallas de ouro, outorgados aos viños que a adega elabora no Bierzo, Catro Pasos, Pizarras de Otero e Escondite Perfecto; catro medallas de prata, para os albariños Martín Códax 2012, Organistrum 2010 e Caixas 2012 e para o godello elixido como o Mellor Viño Branco de Galicia 2012, Mara Martín 2012. Por último, os albariños Alba Martín 2012 e Burgáns 2012 obtiveron senllas medallas de bronce.
O IWC celebrouse este mes en Londres e está considerado como un dos concursos internacionais máis importantes debido á súa meticulosidade. Neste certame participaron máis de 10.000 marcas e o panel do xurado estivo composto por máis de 100 expertos e expertas que levaron a cabo tres quendas de cata ao longo das últimas 2 semanas. Cada viño é probado como mínimo por 10 catadores.
Os premios obtidos por Bodegas Martín Códax no International Wine Challenge súmanse aos que xa recibiran este ano os viños da adega, entre eles o Gran Diamante nos Premios Viño e Muller 2013 para Mara Martín 2012 e o Bacchus de Oro de Cuatro Pasos 2011.

Os viños de Bodegas Martín Códax premiados cun total de 9 medallas no International Wine Challenge.