Bodegas Martín Códax estuda o emprego de algas como aboamento para os seus viñedos

07 de Decembro de 2011

Bodegas Martín Códax

Bodegas Martín Códax estuda o emprego de algas como aboamento para os seus viñedos.
A iniciativa, incluída na estratexia da adega de "mellora da sostibilidade", está nas súas primeiras fases pero augúraselle un gran futuro.

algas_0

Contámosvos o noso último proxecto I+D+i?
En Bodegas Martín Códax demos luz verde a un novo proxecto que non só permitirá mellorar a sostibilidade da empresa senón que ademais recuperará unha práctica tradicional que existía no val do Salnés e que xa se perdera.
A iniciativa consiste no uso de algas mariñas como aboamento para os nosos viñedos. O obxectivo é elaborar unha materia orgánica, empregando as algas e os subprodutos da produción da uva, como os raspóns, que sirva para reducir a dependencia de elementos químicos e pechar, así mesmo, o ciclo produtivo sen depender de recursos externos.
O proxecto nace como unha iniciativa enmarcada no plan de mellora da sostibilidade da adega e xurdiu tras observar como as grandes marcas de fertilizantes están a incorporar os aboamentos minerais extraidos das algas que actúan como activadores da fertilidade dos chans. Ademais, buscabamos materiais que nos permitisen reducir o uso de nitróxeno mineral como aboamento debido aos problemas ambientais que xera. Por iso, pensamos que a práctica tradicional do uso da materia orgánica sería a alternativa máis respectuosa co medio.
Por iso xa comezamos a investigación seleccionando algas procedentes das praias de Vilanova e o ensaio comezará a realizarse na primavera.
Teremos que esperar para ver os resultados.

Bodegas Martín Códax estuda o emprego de algas como aboamento para os seus viñedos.
A iniciativa, incluída na estratexia da adega de "mellora da sostibilidade", está nas súas primeiras fases pero augúraselle un gran futuro.