O próximo 20 de maio, o Pazo de Mella acollerá o evento “Cocineras con Estrella fronte al cáncer de mama”. Un total de seis cociñeiras, todas elas premiadas con estrela Michelín ou sol Repsol, poñerán toda a carne no asador coa finalidade de obter beneficios para a loita contra o cancro de mama e sensibilizar a poboación da necesidade de levar un modo de vida saudable para previr esta enfermidade.
A xornada componse de dúas partes diferenciadas:
- Showcooking: Celebrarase entre as 14 e as 16 horas e nel as persoas asistentes poderán gozar de seis tapas elaboradas por cada unha das cociñeiras, ademais dunha sobremesa que realizará o xefe de cociña galego Kike Piñeiro, que tamén colabora neste acto de xeito altruísta. Para comprar as entradas, pica aquí.
- Cea: A partir das 21.30 horas e para un total de 110 comensais, as afamadas cociñeiras elaborarán un menú de seis pratos que será finalizado tamén cunha sobremesa de Piñeiro. Para comprar as entradas, pica aquí.
En ambas as dúas citas o público poderá gozar tamén do noso albariño Martín Códax.
As cociñeiras e restaurantes que participarán no evento son:
- Fina Puigdevall. Les Cols (Olot, Girona). Dúas estrelas Michelín e dous soles Repsol.
- Begoña Rodrigo. A Salita (Valencia). Un sol Repsol
- Beatriz Sotelo. A Estación (Cambre, A Coruña). Unha estrelaMichelín.
- Macarena de Castro. Xardín (Mallorca). Unha estrela Michelín e un sol Repsol.
- Yolanda León. Cocinandos (León). Unha estrela Michelín e un sol Repsol
- Aizpea Oihaneder. Xarma (San Sebastián). Dous soles Repsol
Ademais, tamén colaboran en Cocineras con Estrella, Carme Ruscalleda e Elena Arzak.
O proxecto foi unha idea orixinal de Gastronomoymás organizado en colaboración coa Asociación Española contra el Cáncer e co Pazo de Mella.
Pola nosa banda, dende a adega sentímonos felices por poder colaborar nun evento gastronómico de tan alto nivel e ofrecer así tamén a nosa achega a esta causa.
