Bodegas Martín Códax presenta a súa Edición Especial: Fragmentos de Onte

Bodegas Martín Códax inaugura en Vigo a Exposición Fragmentos de Onte, coincidindo co lanzamento da Edición Especial da súa albariño. Unha selección do legado fotográfico da americana Ruth Matilda Anderson que afonda na vida dun pobo grazas aos relatos visuais que realizou entre os anos 1924 e 1926. Fragmentos de vida feminina, da beleza do cotiá e do bo facer apostando polo noso. Unha pequena gran homenaxe á tradición e a nosa orixe. Na Exposición Fragmentos de Onte, en colaboración coa Asociación Etnográfica Sete Espadelas e que estará aberta na sede de Afundación até o 10 de xuño, poderase ver unha mostra significativa do legado fotográfico de Ruth Matilda Anderson. A exposición é unha antoloxía de máis de 60 traxes, froito de cinco anos de estudo, busca, análise e recuperación sobre a viaxe e o libro da fotógrafa americana que recolle o traballo froito da expedición que fixo a Galicia entre 1924 e 1926. Trátase dun rigoroso traballo de investigación co que se pretende reproducir, ante os ollos do visitante, o que viu Ruth Matilda cando chegou a Galicia da maneira máis exacta posible. O espectador poderá mostrar preto de mil pezas de roupa (unha gran porcentaxe delas antigas ou reproducidas a partir de padróns e tecidos antigos) e tamén aparellos de labranza, obxectos do fogar e diferentes elementos orixinais da época. Unha viaxe no tempo, cen anos atrás, onde recuperar os vellos oficios xa esquecidos, as feiras, as romarías, os traballos no mar e no campo… En definitiva, toda a nosa cultura popular, a través das fotografías da americana.

Showcookings, visitas e catas comentadas

A Exposición, aberta de luns a sábado de 17:30 a 20:30 horas até o 10 de xuño, será un espazo que acollerá diferentes contidos culturais, entre eles showcookings de recoñecidos cociñeiros da cidade, visitas guiadas e catas comentadas por un dos catadores de Adegas Martín Códax. Os días 3, 10 e 16 de maio e o 7 de xuño, a partir das 19:30 horas, no salón previo á terraza, celebraranse varios showcookings onde recoñecidos cociñeiros locais ofrecerán aos asistentes unha proposta gastronómica desenfadada e arraigada no territorio, cos nosos viños como coprotagonistas.

Toda a información da edición especial e das actividades da exposición poderá atoparse na web de Adegas Martín Códax: https://mtr.bio/bodegasmartincodax