Nova tempada de enoturismo. Experiencias únicas para gozar do viño e da contorna do Val do Salnés

Co obxectivo de consolidar ás Rías Baixas como un referente do enoturismo, en Bodegas Martín Códax seguimos apostando por un abanico de actividades coidadosamente deseñadas. Experiencias que non só permiten descubrir os segredos dos nosos viños, senón tamén mergullarse nas tradicións e a beleza natural da zona do Val do Salnés.

Este ano, a programación de actividades amplíase e diversifícase para ofrecer aos visitantes unha infinidade de opcións que inclúen visitas guiadas, catas maridadas, experiencias inmersivas e un contacto directo coa contorna. Xa sexa que se visite a adega por primeira vez ou que se sexa un habitual do Val do Salnés, estas propostas convidan a descubrir a maxia de Rías Baixas dende unha perspectiva única.

Un abanico de actividades para todos os gustos

Tres visitas guiadas diferentes, deseñadas para descubrir a orixe da adega e os segredos das nosas elaboracións:

• Orixe: A visita fundamental á adega, que permite coñecer a nosa orixe e proceso de elaboración. Culmina cunha cata comentada de dous viños 100% albariño acompañados de dous queixos galegos.
• Ondas do Mar: Unha experiencia sensorial que inclúe tres viños, harmonizados con tres elaboracións con conservas gourmet Km 0, que nos conectan co mar e os produtos locais.
• Creacións Singulares: Visita exclusiva á adega de investigación, onde os visitantes gozarán de catro viños de produción limitada maridados con catro elaboracións gourmet, todo iso nun ambiente cheo de historia e creatividade.

Vivir a contorna: experiencias únicas no Val do Salnés

En Bodegas Martín Códax queremos ir máis aló das visitas tradicionais, ofrecendo experiencias nas que os visitantes se converten en protagonistas.

• Aprende a mariscar: Sente a tradición das mariscadoras da Ría de Arousa e experimenta a recolección de mariscos, unha actividade que conecta ao visitante coa cultura local e o mar.
• Os Tesouros da Ría: Mergúllate no proceso de conservación artesanal de produtos do mar nunha visita a unha conserveira local, unha experiencia única que revela o sabor de Galicia.
• O Mar en liberdade: Goza dun paseo nunha embarcación tradicional pola Ría de Arousa, explorando a natureza que rodea a adega mentres sentes a conexión coa terra e o mar.

Cada unha destas experiencias compleméntase cunha visita guiada á adega e unha cata maridada, brindando unha experiencia completa do viño, a gastronomía local e a contorna natural.

Catas con vistas á Ría de Arousa e un wine bar para os amantes do viño

Na nosa terraza, gozando das espectaculares vistas á Ría de Arousa, os visitantes poden gozar de catas únicas que permiten descubrir a alma de cada viño no seu lugar de orixe. Ademais, a adega conta cun wine bar, un punto de encontro perfecto para os amantes do viño, onde poder degustar todas as elaboracións da adega, tanto na terraza como na nosa Barra Atlántica, nun ambiente relaxado e acolledor, sen necesidade de reserva previa.

As Cantigas seguen sendo unha das experiencias máis especiais, cunha selección de viños deseñada polo sumiller da adega. Cada cata está inspirada nun concepto do mundo do viño e busca espertar os sentidos mentres rende homenaxe á cultura e tradicións galegas.

Ao longo da tempada, iranse incorporando novas propostas de visitas e actividades, ademais dos eventos estivais, que completarán a ampla oferta de Bodegas Martín Códax para a tempada de enoturismo de 2025.

Toda a información sobre cada unha das actividades de enoturismo está dispoñible na nosa web: https://tienda.martincodax.com/.