Recta final do proxecto RETASTELED

Comeza a recta final para o proxecto RETASTELED de aplicación de novas tecnoloxías LED, para facer fronte á deterioración fotoquímico que poden sufrir os viños brancos, rosados e espumosos cando se expoñen á luz ultravioleta-visible.

Durante este período final os distintos participantes, entre eles Adegas Martín Códax, están a desenvolver probas piloto nas propias instalacións das adegas para testar as luminarias froito dos distintos ensaios do proxecto.

Xa se obtiveron resultados na elaboración e nos tipos de luminarias máis adecuadas. Falta facer probas a nivel de adega, explica desde Ramón Bilbao, adega que lidera o proxecto, o seu responsable de I+D, Rosana Lisa Oliva.

En RETASTELED amplíase o coñecemento na elaboración de viños brancos e rosados, “especialmente, elaborando viños máis lonxevos: mantendo as súas calidades de cor, aroma e sabor perfectas durante máis tempo. E por suposto, pretendemos adaptar as nosas instalacións, con luminarias adecuadas para evitar o gusto de luz”, detalla.

Desde o Laboratorio Enológico de VITEC, o seu responsable Miquel Puxeu Vaqué incide en que a prevención da aparición do gusto de luz en viños brancos e rosados de calidade é unha prioridade para o sector vitivinícola. “É fundamental elaborar produtos cunha calidade estable e garantida até chegar ao consumidor final, superando as condicións de loxística e comercialización, que non sempre son as máis adecuadas”.

En RETASTELED estudaron vías de elaboración que permitan obter produtos coa mesma calidade que a actual, pero cunha menor concentración dos precursores que xeran o defecto organoléptico. E fixérono en dúas direccións: na baixa xeración de precursores (modificando as condicións de fermentación, en especial fermentos e nutrición) e no desenvolvemento de procedementos de eliminación destes precursores (afectando o mínimo posible a calidade do viño). Á vez, o outro gran reto do proxecto foi o desenvolvemento dunha fonte lumínica que non xere o defecto de gusto de luz.

Nesta última fase, todos os participantes están pendentes aínda da vendima de 2021 para terminar de realizar as últimas probas de elaboración e definir os itinerarios enológicos óptimos, así como un prototipo de fonte lumínica para ser comprobado nas instalacións das propias adegas.

Sobre RETASTELED

RETASTELED é un proxecto de I+D que ten por obxectivo estudar a aplicación de novas tecnoloxías LED para facer fronte á deterioración fotoquímico que poden sufrir os viños brancos, rosados e espumosos cando se expoñen á luz ultravioleta-visible.

Pretende desenvolver solucións, sustentables e innovadoras en adega e lineais de venda, co propósito de terminar coas transformacións fotoquímicas que alteran a cor, gusto e aroma destes viños.

Adegas Ramón Bilbao lidera este proxecto de I+D de investigación industrial en cooperación no que, ademais, participan outro tres socios vinculados ao mundo do viño e a iluminación: Adegas Martín Códax (Galicia), Prilux Iluminación I+D (Castela A Mancha) e VITEC- Centro Tecnolóxico do Viño (Cataluña). O Ministerio de Ciencia, Innovación e Universidades (MCIU) financia esta innovadora iniciativa cun orzamento de máis de 750.000€, no marco da Convocatoria Retos de Colaboración 2017.

Lee mais sobre o proxecto aquí: https://www.martincodax.com/blog/es/noticia/las-bodegas-ramon-bilbao-y-martin-codax-la-empresa-prilux-iluminacion-id-y-vitec-estudian-como-evitar-que-la-exposicion-a-la-luz-dane-el-aroma-y-color-en-vinos-blancos-espumosos-y-rosados-a-trave/

Descobre todo sobre RETASTELED na sua web: www.retasteled.es